Бүтээгдэхүүний цувралыг зах зээлээс богино хугацаанд бүрэн эргүүлэн татан авах зохион байгуулалтын үр дүнтэй арга хэмжээг авч хэрэгжүүлбэл зохино. 11.2 Дахин боловсруулалт ба устгал
Зах зээлээс эргүүлэн татсан хүнсний бүтээгдэхүүнийг ялгаж, боломжтой тохиолдолд дахин боловсруулалт хийх, чанар, аюулгүй байдлыг баталгаажуулсны дараа худалдаанд гаргах, эсвэл хүний эрүүл мэндэд сөргөөр нөлөөлөх нь тогтоогдсон бүтээгдэхүүнийг хүнсний хэрэглээнээс хасч, устгах арга хэмжээг авна. Хүнсний бүтээгдэхүүний шинж чанарыг нь өөрчлөн ашиггүй хаягдал болохоос сэргийлж малын тэжээл, эсвэл хоёрдогч түүхий эд болгон ашиглана. Малын тэжээл, хоёрдогч түүхий эдээр ашигалахын өмнө тавигдах шаардлагыг тодорхой үзүүлэлтээр баталгаажуулна. Шаардлагатай тохиолдолд халуун боловсруулалт хийнэ.
Хөгц мөөгөнцөрөөр бохирлогдсон хүнсэнд амьдрах чадвартай ялзруулагч бичил биетэнг зохих бололвсруулалт хийж, устгасны дараа малын тэжээлд хэрэглэж болно. Пестицид ба микотоксиноор бохирдсон хүнсээр мал тэжээх тохиолдолд малын маханд пестицидийн үлдэгдэлгүй байх үзүүлэлтийг шалгуур болгоно.
Малын тэжээлд хэрэглэхээр шийдсэн хүнсний бохирдолтой бүтээгдэхүүнийг нарсны тос, карболын хүчил болон бусад ижил үйлчилгээтэй бодисуудыг ашиглан боловсруулна. Устгал гэдэг нь бүтээгдэхүүний бүтцийг өөрчлөн, шатаах, булах, асгах аргыг хэлнэ. Бүтээгдэхүүнийг ундны усны эх булаг, урсгал ус, хөрсийг бохирдуулахгүй тусгай цэгт холбогдох хууль, дүрэм, журмын дагуу устгана.
Эргүүлэн татсан бүтээгдэхүүнээ устгах, хүнсний хэрэглээнээс бусад зорилгоор ашиглах, хүний эрүүл мэндэд аюулгүй гэдгийг тогтоох болон дахин боловсруулах үйл ажиллагаа нь хяналтын байгууллагын болон дотоодын хяналтан дор явагдана. Хүнсний үйлдвэрлэл, эрүүл ахуйн (GMP, GHP)
зохистой дадлыг үндэсний хэмжээнд нэвтрүүлэх зөвлөмж | 
